{.. شبة النار ..} لمحمد الحدري

[محمد الحدري]

http://www.m5zn.com/uploads/2010/3/16/photo/cqhxobb48r3.jpg



يا محلا الجمعة الى شبـت النـار=في سهلةٍ والهم مـا لـه طـواري
يازين شبه من عقب هل الامطـار= رمثٍ وقوده نشعلـه بالبـراري
اليا غدى بين الحطب له تسعار=واهج سناهـا بالخـلا احتـراري
مع دلةٍ صفـرا بهـا البـن و بهـار=كيف الرجال اهل الكرم والفخاري
نزيدها ما بيـن هيـلٍ و مسمـار=محموسةٍ شقرا وبنه هـراري
نصبها قنـدٍ مـن الكيـف ينـدار=في مجلسٍ فيه الخـلاوي يمـاري
وسوالفٍ فيها من المجـد تذكـار=كلـن بفعلـه للنواميـس شـاري
في وسط روضٍ امتلى نفل وأزهار=وعشب اعتلا بين الحجل والحباري
والوضح ترعى بين شعلٍ واصفار=وراعٍ لها في كل مندى يبـاري
عز الله انها جلسةٍ تفـرح انظـار=وتجلي همومٍ من زحـام الديـاري
وصلاة ربي عد ما تورق اشجـار=على النبي واعداد رمل الصحـاري

[شيهانه الشرقيه]

عليه الصلاه والسلام
صح لسانك يالشاعر محمد الحدري
قصيده رائعه

[ابـــو زيـــاد]

صح لسانك ياشاعرنا

قصيده توسع الخاطر مثل معناها

[ابو سلوم]

محمد الحدري

الله يعطيك العافيه على هالقصيده التي امتعتنا من خلالها بوصف البر والامطار بيوم جمعه لكن لو خليته يوم الخميس على شان يكون بعيد عن يوم الدوام ههههههه

مشكور بعد حيي

[الشـــــمالي]

تسلم يمينك وصح لسانك اخوي محمد


قصيده فعلا توسع الخاطر لاانها تتحدث


عن البر والربيع والابل وسوالف الرجال


الخيرين شرواك دائما تتحفنا بقصائدك



الرائعه تحياتي لك