كان باب الـرزق منهـم يقطعونـه

[ابو سلوم]

السلام عليكم ورحمة الله وبركاته


اشتهر الشيخ / عبدالله بن هذال القريفه بكرمه اللامحدود وفي مره من المرات

ربع عبدالله القريفه هو وربعه وذلك لوفره العشب وكانت تمرهم القوافل وكل مره

قاامو بواجب الضيافه للمارين منهم ومع مرور الوقت اخذ حلالهم بالتناقص ولم يعد

لديهم الا الشي اليسير ومر عليهم ركب فقااام عبدالله القريفه باكرامهم وهو يسير الحال

وبعد خروج الضيف جاءوهـ ربعه وقالوا له ياعبدالله حنا حلالنا بداء بالنقصان وانت فتحت

للمارين درب علينا ونحن لا نملك شي فقال عبدالله هذي القصيدهـ :








ياجماعـه كيـف مافيكـم حميـا

كيف صياح الضحـى ماتسمعونـه

من يعاونـي علـى ربعـي هنيـا

من بغى درب المراجـل يمنعونـه

المـراجـل ماتهـيـا هالسـويـا

كود من عض النواجد في سنونـه

إن بغيت الهون درب الجود عيا

حالف ٍ ماارضى لنفسي بالمهونـه

ماعلينـا مـن مسـاريد القفـيـا

كان باب الـرزق منهـم يقطعونـه



القصه والقصيده منقوله
واسباب القصيده عليه خلاف قيل للاسباب السابقه وقيل بسياق مشابه



.

[ابو سلوم]

بسم الله الرحمن الرحيم

عبدالله بن هذال القريفه من قبيله مطــير العريقه. اشتهر بالشجاعه والكرم . وجرت عليه هالسالفه
وهي ان جاه ضيفان - ومحله كان منصى للضيفان- وكانوابتلك السنه بوقت وجوع وكانوا جيرانه
متفقين انه أذا جاهم يطلبهم شئ انهم يقولون له ماعندنا شئ نعطيك اياه . وفعلاًً يوم جوه الضيوف
راح يدور عليهم يبيهم يعطونه مايُكرم به ضيفانه . وكان يردون عليه بالشئ اللى هم متفقينً عليه
وكان السبب لعملهم هذا انه اذا قلّط القريفه ضيفانه على العشاء من دون ذبيحه يقومون هم بعزيمه
الضيفان وتقديم لهم نفس مايقدم القريفه لهم ( بدون ذبيحه ) من دون مايلحقهم منقودً او شرهه عليهم
وكان انت يا-عبدالله القريفه - مايملك ألا ناقه ( خلفه ) يتمنحها هو و عياله ويقوم عليها وينحــرها
ويقدمها كرامهً لضيفانه . ويوم قلّــطهم على العشاء ويتفجأون جيرانه بأنه ذابحن ناقته اللى
مايملك غيرها ومقدمها لضيوفه . ويوم تعشوا قال هالقصيده لــهم




ياجمـاعـه كـيــف مافـيـكـم حـمـياـ
كيـف صيـاح الضحـى ماتسمعونـه


ماتعيـنـونـي عـلــى ربـــعٍ أهـنـيّـاـ
مـن بغـى درب المراجـل يمنعونه

الـمـراجـل مـــا تـهـيــا هـاالـسـويـا
كود من عض النواجذ في سنونـه


ان بغيـت الشـح درب الطيـب عـياـ
حـالـفٍ مـــارد نـفـسـي للمـهـونـه


ماعـلـيّـه مـــن مـنـقـلـت الـحـكـيـا
كـان بـاب الـرزق منـهـم يقطعـونـه


وان بغيت الهون ساس الطيب عيّا
حالفٍ ما أرضى لنفسي بالمهونـه


حـالـف مـاجـوز مـــن جـيــة هـويـاـ
دام بـيــت الله خـلـقــه يـدهـلـونـه


ماعلـيـنـا مـــن مـسـاريــد الـقـفـياـ
كـان حبـل الـرزق معهـم يقطعونـه


من لحومي الدانيـه شفـت الجفيـا
مـن بغـى درب الشكالـه يذهتونـه



وســــلامـــتكم



منقول من احد منتديات مطير ونقلته حرصا مني على نقله برواية اخرى

[ابـــو زيـــاد]

يعطيك العافيه يا ابو سلوم

ماقصرت

تقبل مروري

[ابو سلوم]

تسلم ابو زياد يعطيك العافيه

[قاع الصير]

أبوسلوم عساك على القوة
http://photos.azyya.com/store/up1/080610215950p3oF.gif

[ابو سلوم]

تسلم قاع الصير على المرور
العطر

[صقر العروبه]

ياعطيك العافيه ياابو سلوم
ماقصرت ...

[ابو سلوم]

ياعطيك العافيه ياابو سلوم
ماقصرت ...




تسلم ايها الصقر