ناس توكل طفلها خبز بديون ومليون يصرف في براطم بهيمه

[طرقي بهالدنيا]

البارحه مانمت ضايـق ومغبـون
عيو علي بالنوم نـاس غشيمـه
ناسٍ بفعله تغضب الرب وشلـون
بأسبابها خشاش الصحاري سقيمه
زملٍ عليه العفش ومحزم عيـون
قـام يتخبـط وانتثـر بالعتيمـه
وين الرجال اللي من الله يخافون
وين الرجال اهل العقول الحكيمـه
البل عطايا الله لها عشق مجنون
مـا غيـره زودٍ ونقـصٍ بقيمـه
يامغلين بالـذود تكفـون تكفـون
ما للفسـق إلا عواقـب وخيمـه
مدري جهل بالديـن والا تعرفـون
والا هياط ونفعهـا ظـل غيمـه
تباشرو بيناتهـم جـاك مزيـون
كنّـه يبشّـر بالعـراق العظيمـه
ناسٍ توكل طفلها خبز!! بـديون
ومليون يصرف في براطم بهيمـه
إن كانكم للخير والطيب تشـرون
ياكثرهم أهـل البـزور اليتيمـه
شوفو عزيزٍ داخل الحبس مسجون
مسجون من كثر الكرم والحشيمه
وألا عجوزٍ ضامها الوقت والهون
ضناه واحد!! رافضاتـه حريمـه
الجود والاحسان والرفق والعـون
أربع ماهي بدروبكـم هالعقيمـه
ياليتكم ناسٍ حريصيـن وعفـون
ولا نعمة تنكب عسى الله يديمـه
انا بدوي في سلمنا حيل مفتـون
اذواد نملـك بالسنيـن القديمـه
يوم إنها مابين طاعن ومطعـون
نـذود عنهـا ماخذوها غنيمـه
يالايمي لو لك معاويـن ومتـون
ما زعزت شخص فرد بالشكيمـه
الحمد لله دايـم إبليـس ملعـون
النفس تصبر لو ظـروفه أليمـه
تبطي ويبطي من بنا عمره ظنون
اموت لكـن ماتشـوف الهزيمـه

راقت لي


</B></I>

[ابـــو زيـــاد]

البارحه مانمت ضايـق ومغبـون
عيو علي بالنوم نـاس غشيمـه
ناسٍ توكل طفلها خبز!! بـديون
ومليون يصرف في براطم بهيمـه






صح لسان الشاعر

وهذا هو حال الواقع

يعطيك العافيه اخوي طرقي بهالدنيا

وسلمت يدك

[ابو سلوم]

نسأل الله ان لا يعمنا بعقابه
فعلا يوجد مبالغات في كل شئ
في الاسعار ومايقدم من موائد
وغيرها نسأل الله العافيه
شكرا اخوي الطرقي

[طرقي بهالدنيا]

ابوزياد شكرا لك ولمرورك

تحيااااتي

[طرقي بهالدنيا]

مشكور على المرور ابوسلوم

تحيااااتي

[قاع الصير]

تسلم أخوي طرقي على النقل الرائع

وأسقاط جميل على واقعنا الغريب في حب الظهور والشهرة على حساب أنفسنا قبل غيرنا

بارك الله فيك

تحياتي لسموك الكريم

[طرقي بهالدنيا]

قاع الصير مرور جميل وتعليق اجمل

تحياااااتي لك