في غيب أهلي أهل شمر كني وحيد مع الناس

[فتى عويا]

في غيبتك كني وحيدٍ مع الناس
وكني غريبٍ عاش بأرضٍ غريبه


والا كماعودٍ طوى حاله الياس
راحوا عياله وادركته الغليبه


يطري علي زولك لياهب نسناس
حيث النسيم العذب عطرك يجيبه


محبتك بالقلب من دون مقياس
من ماضي الايام ماهي غريبه


يازينة اهل الدار ياعذب الانفاس
ياريح دهن العود ياطيب طيبه


الشيب بين ياهوى البال بالراس
وجفني جفاه النوم وامسى حريبه


حبتس شربته يامنى الروح بالكاس
وقلبي طفى من ذقت حبتس لهيبه


متمركزٍ مابين قلبي والاحساس
حب النقا مافيه شكٍ وريبه


لاباس ياقلبي من الحب لاباس
اصبر ترا درب المحبه مصيبه


وياللي رحلت ارجوك ياقبلة الناس
ارجع عسى تبرى جروحٍ عطيبه


أرجو أنها نالت على أستحسان ظنكم ولكم مني جزيل الشكر على المتابعه

خدامكم فتى عويا

[العاصي]

يعطيك العافيه

ع القصيده الجميله

[ابـــو زيـــاد]

نقل مميز يعطيك العافيه يا فتى عويا

اهم شي انت لا تغيب عن شمر .:)

ابو زياد
(



(

[فتى عويا]

الله يحيكـ يا اخوي عاصي والله سحفظكـ يااارب وتسلم على المرور العذب يالغالي

[فتى عويا]

الله يبقيكـ يبو زياد ولا أنشاء الله ما اغيب عن اهلي وأنشاء الله دوم نبقى مع بعض والله يديمها معزهـ

وأبشر وأبشر ولكـ ما طلبت حضوري راح يكون بشكل يوم كرمال عيون الاعضاء كولهم وعيونكـ يالغلا

[صافي النوايا]

فتى عيويا يسلم راسك