الاعلام

[فتى عويا]

بسم الله الرحمن الرحيم
اخواني وبعد ا لتحيه ،،،

بعنوان بعض العرب مع احترامي لبقية الشعراء والنقاد


اهدي لكم هذه وسببها حينما شاهدت بعض البرامج وسيتضح لكم معناها عن قرائتها




بعض العرب تزعج الاعلام صورتها
اللي تلهث على الشاشات جوعانـه
اللي تبا الشهره اخطتهـا ولاجتهـا
لاجاك واحدهم اصبح يطلق لسانـه
ماتدري انـه يخـل بكـل سمعتهـا
من قبل هذي من اول مالهـا خانـه
ناساً تهايط ولا ادري ويش حاجتهـا
اللي تحسب الشعر تزييـن قيفانـه
شله وصارت على الاعلام وجهتهـا
تاخذ دقاق الهروج وتتـرك سمانـه
كثروا علينا وضعنا وسـط عجتهـا
ومتذوق الشعر عنها رافعـا شانـه
تبغـا تميـز ورجتـنـا برجتـهـا
والمخرج اللي يصور يضبط الحانـه
ناساً هدوم الحيا بالرخـص باعتهـا
ماكنها من ضروف الوقت وجعانـه
برامجـاُ تبتـدي فالليـل حزتـهـا
على قنـاةً تخلـط الشعـر بالوانـه
تبغا الدراهم تصلـح شـات شلتهـا
ولكل شاعر على الشاشات عنوانـه
تطلب من الناس بالتصويت عيشتها
وترسل عليها ضعوف النفس عجلانه
بالله انـا علمونـي وش علاقتهـا
بالنقد فالشعـر ولا حبكـة اوزانـه
هـذا يـدل انهـا تبنـي تجارتهـا
من قطـة فـلان ولا قطـة فلانـه



وسلامتكم من كل سوء ومن كل شر يااارب
تقبلو تحياتي فتى عويا

[صافي النوايا]

فتى عويا مشالله عليك

نشيط وتسلم

[ابـــو زيـــاد]

فتى عيويا


يعطيك العافيه والى الامام

[ابو سلوم]

فتى عويا

صح لسانك على هذه القصيده الجزله

وهذه القصيده لا تصدر الا من شاعر مجيد

يعطك العافيه لاتحرمنا من جديدك

.

[فتى عويا]

الله يسلمكم جميعاا والنشاط الي يجيني بوجودكم بجانبي لا عدمتكم ياارب
دمتم بود