صـروح شـمـر - عرض مشاركة واحدة - مسكين ياللي تحمل الكبر مهبلك =مايدري ان الكبرساس الضعافه
عرض مشاركة واحدة
   
 
قديم 05-04-2019, 01:21 PM رقم المشاركة : 1
معلومات العضو
شاعر

الصورة الرمزية مشعل التريباني

إحصائية العضو






 

مشعل التريباني غير متواجد حالياً

 


المنتدى : شــــعراء صـــــــروح شـــــمر
افتراضي مسكين ياللي تحمل الكبر مهبلك =مايدري ان الكبرساس الضعافه

مسكين ياللي تحمل الكبر مهبلك
ماتدري ان الكبر ساس الضعافه

ان لنت للشيطان قام وتجللك
من طاوع الشيطان جود كتافه

ابليس ياطعته طمع بك وسلسلَك
وقدمك لسباع الجفا في صحافه

عزي لحالك كان طعته وكبلك
يرميك لجياع الذيابة ضيافه

ياصار كل الناس تكره مقابلك
وكل الرجال تقابلك بانصرافه

ويكره مجيك للرجال وتعاملك
والكل عن شرواك يطوي لحافه

والكان ماتبرك لحملك رحايلك
َشيلك لحمل الغير عيب وسخافه

ياصار ماظل التواضع يظللك
شمس التكبر تحرقك باالتفافه

واللي يجيز لك التكبر يجاملك
اطو الرشا عن عشرته واعترافه

مَهوعلى متنه عن العيب شايلك
يامن حمل شعيل حان انجعافه

الناس َمهم قبضتن بين اناملك
نفسك على الطولات زين عسافه

اترس من علوم المراجل محاملك
واكسب سمان الهرج واترك عجافه

والعفو خله خصلتن من خصايلك
َولاتلحق النفس الشقيه حسافه

شيد على صطح المراجل منازلك
والي نصحلك باجمل الفعل كافه

الكلمة اللي عن شموخك تنزلك
حاول تطشه وسط حلق الزرافه

وعن سمع مايوذيك زود تجاهلك
وسمعك عن اللي يكره الله جافه

مشعل عسام التريباني الشمري في ٢٧/8/1440 هجري







رد مع اقتباس